جرمن فٹبالر نے بھی بھارت میں مسلمانوں کے لئے آواز اٹھائی
کشمیر میڈیا سروس کے مطابق جرمنی سے تعلق رکھنے والے اسٹار فٹبالر Mesut Ozil نے بھی جنہیں دنیا بھر میں لوگ پسند کرتے ہیں اور ایک مثال قرار دیتے ہیں، بھارت میں مسلمانوں کے حقوق کی خلاف ورزیوں کا معاملہ اٹھایا ہے۔میسوت اوزیل نے بھارت میں مسلمانوں کے خلاف انسانی حقوق کی خلاف ورزیوں کو شرمناک قرار دیتے ہوئے اس کی مذمت کی ہے۔ریال میڈرڈ اور آرسنل کے سابق اسٹار نے جنہوں نے جرمنی کو 2014 کا فٹبال عالمی کپ جتوانے میں اہم کرداراداکیا، دنیا بھر کے لوگوں پر زوردیا ہے کہ وہ اپنی خاموشی توڑیںاور بھارتی مسلمانوں کے انسانی حقوق کی پامالیوں کے خلاف اپنی آواز بلند کریں۔ میسوت اوزیل نے ایک ٹویٹ میں لوگوں سے کہا کہ ” آئیے اس شرمناک صورتحال کے بارے میں آگاہی پھیلائیں کہ دنیا کی سب سے بڑی نام نہاد جمہوریت میں انسانی حقوق کے ساتھ کیا ہو رہا ہے”۔
