بھارت
نئی دلی :پولیس نے چینی خاتون کو گرفتار کر لیا
نئی دہلی 21 اکتوبر (کے ایم ایس)بھارتی دارلحکومت نئی دہلی میں پولیس نے ایک چینی خاتون کو گرفتار کر لیاہے ۔ پولیس نے دعویٰ کیا ہے کہ یہ خاتون بھارت مخالف سرگرمیوں میں ملوث تھی۔
کشمیر میڈیا سروس کے مطابق خاتون کی شناخت کائی رو کے نام سے ہوئی ہے ۔ پولیس نے کہا ہے کہ یہ خاتون نیپالی شہری کے طور پر بھارت میں مقیم تھی اور اسے شمالی دہلی کے علاقے مجنو کا ٹیلا سے حراست میں لیا گیا ۔
