بھارت
مسلمانوں کیخلاف نفرت کا زہر ختم کرناہوگا: یو این سیکریٹری جنرل
نیویارک 15مارچ(کے ایم ایس)اقوام متحدہ کے سیکریٹری جنرل انتونیو گوتریس نے کہا ہے کہ مسلمانوں کیخلاف نفرت کے زہرکو ختم کرناہوگا۔
انتونیو گوتریس نے سماجی رابطے کی ویب سائٹ ٹویٹر پر اپنے ٹویٹ میں کہا کہ اسلامو فوبیا سے نمٹنے کے لیے پہلی بار عالمی دن منایا جا رہا ہے۔ انہوںنے کہا کہ اسلامو فوبیا سے نمٹنے کے لیے دن منانے کا مقصد مسلم مخالف نفرت کے زہر کے خاتمے پر زوردینا ہے۔اقوام متحدہ کے سیکریٹری جنرل نے کہا کہ امتیازی سلوک ہم سب کو مٹا سکتا ہے، ہمیں اس کے خلاف کھڑا ہونا ہوگا۔انہوںنے کہاکہ آج اور ہر دن ہمیں مشترکہ انسانیت کے عزم کا اعادہ کرتے ہوئے تقسیم کرنے والی قوتوں کا مقابلہ کرنا ہوگا۔
