بھارت
بھارتی اور نیپالی مسافر طیارے فضامیں ٹکرانے سے بال بال بچ گئے
کھٹمنڈو27مارچ (کے ایم ایس )
بھارت کے ایئر انڈیا اور نیپال ایئر لائنز کے مسافر طیارے فضا میں حادثے سے بال بال بچ گئے۔
دونوں طیارے کھٹمنڈو ایئر پورٹ کے قریب آمنے سامنے آ گئے ۔
غیر ملکی خبر رساں ادارے کی اطلاعات میں کہاگیاہے کہ ایئر انڈیا کا A-320 طیارہ 19ہزار فٹ کی بلندی پر پرواز کر رہاتھا جبکہ نیپال ایئر لائنز کا طیارہ 15ہزار فٹ کی بلندی سے اوپر کی جانب آ رہا تھا۔نیپالی طیارے کے کپتان نے مخالف سمت میں طیارہ دیکھ کر طیارے کو 7 ہزار فٹ تک نیچے اتارا۔نیپال سول ایوی ایشن اتھارٹی نے 2 ایئر ٹریفک کنٹرولر معطل کر کے تحقیقات شروع کر دی ہیں۔میڈیا رپورٹس کے مطابق دونوں طیاروں میں 200سے زائد مسافر سوار تھے۔
