بھارت
بھارت :راجستھان میں بس حادثے میں 10افراد ہلاک، 36زخمی
جے پور:بھارتی ریاست راجستھان میں ایک بس حادثے میں 10افراد ہلاک اور 36زخمی ہوگئے۔کشمیر میڈیا سروس کے مطابق ریاست کے ضلع سیکر میں ایک بس فلائی اوور کی حفاظتی دیوار سے ٹکرا گئی جس کے نتیجے میں دس افراد ہلاک اور 36زخمی ہو گئے۔ضلع کے سپرنٹنڈنٹ آف پولیس بھون بھوشن یادو نے بتایا کہ سالاسر سے لکشمن گڑھ کی طرف آرہی ایک پرائیویٹ بس لکشمن گڑھ میں موڑ لیتے ہوئے فلائی اوور کی حفاظتی دیوار سے ٹکرا گئی۔انہوں نے کہا کہ حادثے میں دس افراد کی موت ہو گئی اور 36زخمی ہوگئے۔ انہوں نے کہا کہ زخمیوں کو لکشمن گڑھ اور سیکر کے ہسپتالوں میں منتقل کیا گیا ہے۔
