(کشمیر میڈیا سروس)
بنگلورو: دریائے کاویری کے پانی پر بھارتی ریاستوں کرناٹک اور تامل ناڈو کے درمیان جاری تنازعے کے دوران کرناٹک کے کسانوں کی انجمنوں اور دیگر تنظیموں کے اتحاد” کرناٹک جل سمرکشنا سمیتی” کی طرف سے دی گئی ہڑتال کال کے دوران بنگلورو پولیس نے منگل کو کم از کم 1000لوگوں کو گرفتار کیا۔
بنگلورو کے پولیس کمشنر بی دیانندا نے کہا کہ شہر بھر میں دفعہ 144کے تحت امتناعی احکامات نافذ ہیں اور ہم نے مختلف تھانوں سے تقریبا 1000 لوگوں کو حراست میں لیا ہے۔ انہوں نے کہا کہ موجودہ پابندیوں اور عدالتی احکامات کے مطابق شہر میں جلسے یا جلوس کی اجازت نہیں ہے۔دریائے کاویری کے پانی کی تقسیم کے معاملے پر تامل ناڈو اور کرناٹک کے درمیان کئی دہائیوں سے تنازعہ چل رہاہے۔ کاویری واٹر مینجمنٹ اتھارٹی (CWMA)کے اس حکم کے خلاف کرناٹک حکومت کی درخواست کو بھارتی سپریم کورٹ نے مسترد کر دیا ہے جس میں کرناٹک سے کہا گیا تھا کہ وہ 13 ستمبر سے 15 دنوں کے لیے تامل ناڈو کو 5,000 کیوسک پانی چھوڑے۔ کرناٹک حکومت نے کہا ہے کہ وہ پانی چھوڑنے کی پوزیشن میں نہیں ہے کیونکہ پینے کے پانی اور آبپاشی کے لیے اس کی اپنی ضروریات ہیں۔بنگلورو پولیس نے ہڑتال کے پیش نظر پیر کی آدھی رات سے منگل کی آدھی رات تک دفعہ 144 نافذ کر دی ہے جبکہ جلسے جلوسوں پر پابندی لگائی گئی ہے۔
تازہ ترین
- بھارتی ہیکرز نے کینیڈین مسلح افواج کی آفیشل ویب سائٹ ہیک کر لی
- بھارت نے خالصتان تحریک کے کارکنوں کے خلاف کارروائیاں تیز کر دیں
- پاکستان بھارت کے ساتھ تمام تنازعات کو مذاکرات کے ذریعے حل کرنے کا خواہاں ہے، جلیل عباس جیلانی
- نگران وزیراعظم نے جنرل اسمبلی سے خطاب میں مسئلہ کشمیر اور فلسطین کو بھرپور طریقے سے اجاگر کیا، جلیل عباس جیلانی
- عالمی برادری مقبوضہ کشمیر میں انسانی حقوق کی خلاف ورزیاں بند کرانے کیلئے بھارت پر دبائو ڈالے ،صدر عارف علوی
- مودی کے برسراقتدار آنے کے بعد سے بھارت میں اقلیتوں کو مسلسل ظلم و تشدد کا سامنا ہے
- مودی حکومت شکست کے خوف سے مقبوضہ کشمیرمیں انتخابات نہیں کرانا چاہتی ، عمر عبداللہ
- بھارتی حکومت کینیڈا میں مقیم خالصتان تحریک کے لیڈروں کی جان کی دشمن بن گئی
- نئی دلی کے فلائی اوور پر خالصتان کے حق میں نعرے درج
- سرینگر: اشفاق مجید وانی کے والد وفات پا گئے