بھارت سکھ رہنماکے قتل کی تحقیقات میں کینیڈا سے تعاون کرے: امریکہ
واشنگٹن 27ستمبر(کے ایم ایس) امریکہ نے بھارت پر زور دیا ہے کہ وہ کینیڈا میں سکھ رہنما ہردیپ سنگھ نجر کے قتل کی تحقیقات میں کینیڈین حکومت سے تعاون کرے۔
کشمیرمیڈیاسروس کے مطابق امریکی محکمہ خارجہ کے ترجمان میتھیو ملر نے واشنگٹن میں بریفنگ کے دوران کہا کہ وزیر اعظم جسٹن ٹروڈو کی بھارت پر الزامات کی مکمل اور منصفانہ تحقیقات ہونی چاہیے۔ بھارتی حکومت کو کینیڈا کے ساتھ تعاون کرنا چاہیے۔انہوں نے کہاکہ دنیا میں کہیں بھی بین الاقوامی جبر باعث تشویش ہے۔ ترجمان نے کہاکہ وہ کینیڈا بھارت کی موجودہ صورتحال کے بارے فکر مند ہیں۔ کینیڈین ہم منصبوں کے ساتھ قریبی تعاون کر رہے ہیں۔ترجمان امریکی محکمہ خارجہ کے مطابق بھارت پر زور دیا ہے کہ وہ تحقیقات میں تعاون کرے۔انہوں نے کہا کہ وزیر اعظم جسٹن ٹروڈو کی بھارت پر الزامات کی مکمل اور منصفانہ تحقیقات ہونی چاہیے۔ بھارتی حکومت کو کینیڈا کے ساتھ تعاون کرنا چاہیے۔ تاہم امریکی ترجمان نے خالصتان پالیسی پر جواب دینے سے گریز کیا۔
