پاکستان
جنوبی ایشیا میں پائیدار امن کے لیے تنازعہ کشمیر کا حل ناگزیر ہے:گورنر پنجاب
لاہور : گورنر پنجاب محمد بلیغ الرحمان نے کہا ہے کہ جنوبی ایشیا میں پائیدار امن کے لیے دیرینہ تنازعہ جموں و کشمیر کاپرامن حل ناگزیر ہے۔
انہوں نے یہ بات انسانی حقوق اور خواتین کو بااختیار بنانے کے بارے میں وزیراعظم کی معاون خصوصی مشعال حسین ملک سے گفتگو کرتے ہوئے کہی جنہوں نے آج گورنر ہائوس لاہور میں ان سے ملاقات کی۔ملاقات کے دوران فلسطین، بھارت کے غیر قانونی زیرقبضہ جموں و کشمیر اور خواتین کو بااختیار بنانے سے متعلق امور پر تبادلہ خیال کیا گیا۔ گورنر نے کہا کہ دیرینہ تنازعہ کشمیر کا پرامن حل خطے میں پائیدار امن کے لیے ضروری ہے۔اس موقع پر مشعال حسین ملک نے کہا کہ ہم خواتین کو بااختیار بنانے کے لیے مختلف اداروں کے ساتھ مل کر کام کر رہے ہیں اور منصوبے کے100 دن مکمل ہونے کے بعد نگران وزیراعظم کو کارکردگی رپورٹ پیش کی جائے گی۔
