(کشمیر میڈیا سروس)
سرینگر 29 اکتوبر (کے ایم ایس)
بھارت کے غیر قانونی زیر قبضہ جموں وکشمیر میں بغاوت کے الزامات کے تحت بھارتی ریاست اترپردیش میں گرفتار ہونے والے ضلع بانڈی پورہ کے رہائشی کشمیری طالب علم کے اہل خانہ نے آج سرینگر میں اپنے بیٹے کی فوری رہائی کیلئے احتجاجی مظاہرہ کیا ۔
کشمیر میڈیا سروس کے مطابق انجینئرنگ کے طالب علم شوکت احمد گنائی کے اہلخانہ اور رشتہ داروں نے پریس انکلیو سرینگر میں اکٹھے ہو کر احتجاجی مظاہرہ کیا ۔ انہوں نے میڈیا کو بتایا کہ آگرہ کے ایک کالج میں زیر تعلیم ان کے بیٹے کو ٹی ٹوئنٹی عالمی کپ میں پاکستان کی طرف سے بھارت کے خلاف جیت کا جشن منانے پر گرفتار کیا گیا ہے اور اس پر بغاوت کا مقدمہ درج کیاگیا ہے۔ شوکت کی والدہ حفیظہ نے بھارتی حکام سے اپیل کی کہ اگر ان کے بیٹے سے کوئی غلطی سرزد ہوئی ہے تو اسے معاف کر دیں۔ انہوں نے کہا کہ میرا بیٹا ان کی واحد امید ہے اور وہ اسے سلاخوں کے پیچھے نہیں دیکھ سکتی۔انہوں نے قابض انتظامیہ سے بھی انسانی ہمدردی کی بنیاد پر شوکت کی فوری رہائی یقینی بنانے کی اپیل کی۔
واضح رہے کہ ٹی ٹونٹی ورلڈ کپ کے ایک میچ میں پاکستانی ٹیم کی بھارت کے خلاف جیت کاجشن منانے پر تین کشمیری طلباارشد یوسف، عنایت الطاف شیخ اور شوکت احمد گنائی کو گرفتار کرلیاگیا تھا ۔
تازہ ترین
- بوکھلاہٹ کا شکار بھارت غلطی سے سرحد پارکرنے والے شخص کو جاسوس کے طور پر پیش کر رہا ہے
- بھارت گزشتہ پانچ برس میں انٹرنیٹ کی معطلی میں دنیا میں پہلے نمبر پر رہا
- وزیر اعظم کی جنرل اسمبلی میں تقریر سے مظلوم کشمیریوں کے حوصلے بندہوئے ہیں، مشعال ملک
- کولگام :بھارتی فوجیوں نے پانچ نوجوان گرفتار کر لیے
- آغا سید حسن کی طرف سے میر واعظ کی رہائی کا خیر مقدم ، تمام سیاسی نظر بندوںکی رہائی کا مطالبہ
- کشمیری بھارتی جبر کے آگے ہرگز نہیں جھکیں گے، پروفیسر بٹ
- جائیداد پر قبضے اورجھوٹے مقدمات کے باوجود خالصتان ریفرنڈم جاری رہے گا: گرپتونت سنگھ
- مقبوضہ جموں وکشمیر میں بھارتی بربریت عالمی برادری کے لیے چیلنج ہے
- حریت رہنمائوں کا اقوام متحدہ سے مسئلہ کشمیر حل کرنے کا مطالبہ
- مقبوضہ جموں وکشمیر اوربھارت میں آزاد صحافت کو ریاستی جبر کا سامناہے