پاکستان
پاک فوج کے سربراہ کا تنازعہ کشمیرکواقوام متحدہ کی قراردادوں، کشمیریوں کی امنگوں کے مطابق حل کرنے پرزور
راولپنڈی: پاکستانی فوج کے سربراہ جنرل سید عاصم منیر نے تنازعہ کشمیر کو کشمیری عوام کی امنگوں اور اقوام متحدہ کی سلامتی کونسل کی قراردادوں کے مطابق حل کرنے کی ضرورت پر زور دیا ہے۔
کشمیر میڈیا سروس کے مطابق انہوں نے کہا کہ کشمیر بین الاقوامی طور پر تسلیم شدہ ایک تنازعہ ہے اور علاقے کے لاکھوں لوگوں کی خواہشات کے برعکس کوئی بھی یکطرفہ اقدام تنازعے کی نوعیت کو تبدیل نہیں کر سکتا۔ انٹر سروسز پبلک ریلیشنز (آئی ایس پی آر)کی طرف سے راولپنڈی میں جاری ایک بیان کے مطابق بری فوج کے سربراہ کا یہ بیان ممتاز امریکی تھنک ٹینکس اور میڈیا کے ارکان کے ساتھ گفتگو کے بعد سامنے آیا۔آرمی چیف نے بات چیت کے دوران علاقائی سلامتی، بین الاقوامی دہشت گردی اور جنوبی ایشیا میں سٹریٹجک استحکام کو برقرار رکھنے کی اہمیت کے بارے میں پاکستان کا موقف پیش کیا۔
