مقبوضہ جموں و کشمیر
مقبوضہ کشمیر: اسکولوں میں صبح کی اسمبلی میں بھارتی ترانہ لازمی قرار دے دیا گیا
سرینگر:غیر قانونی طورپر بھارت کے زیر قبضہ جموں و کشمیرمیں بھارتی قابض انتظامیہ نے تمام اسکولوں میں صبح کی اسمبلی میں بھارتی ترانے کو لازمی قرار دے دیا ہے۔
کشمیر میڈیاسروس کے مطابق مقبوضہ کشمیر کے اسکول ایجوکیشن ڈیپارٹمنٹ نے بھارتی قابض انتظامیہ کی ہدایات پر پورے مقبوضہ علاقے کے تمام اسکولوں کو صبح کی اسمبلی کا آغاز بھارتی ترانے سے کرنے کاحکم جاری کیا ہے ۔ اس حوالے سے جاری کیے گئے سرکلر میں کہا گیا ہے کہ صبح کی اسمبلی پروٹوکول کے مطابق بھارتی ترانے سے شروع ہونی چاہیے۔
واضح رہے کہ صبح کی اسمبلی طلبہ میں اتحاد اور نظم و ضبط کا احساس پیدا کرنے میں مددگار ہوتی ہیں۔لہذا کشمیری طلبہ میں بھارت کیلئے جذبات ابھارنے کیلئے انہیں مارننگ اسمبلی میں بھارتی ترانا پڑھنے کیلئے مجبور کیاجارہا ہے۔
