(کشمیر میڈیا سروس)
سرینگر10 جنوری (کے ایم ایس)
غیر قانونی طور پر بھارت کے زیر قبضہ جموں و کشمیر میں پیپلز ڈیموکریٹک پارٹی کی سربراہ محبوبہ مفتی نے کہا ہے کہ بھارت میں بھارتیہ جنتا پارٹی کی حکومت ہندوئوں اور مسلمانوں کے درمیان تقسیم پیدا کر رہی ہے کیونکہ بی جے پی کے پاس مذہب کے نام پر سیاست اور لوگوں کو تقسیم کرنے کے سوا کوئی ایجنڈا نہیں ہے ۔
کشمیرمیڈیاسروس کے مطابق محبوبہ مفتی نے سرینگر میں صحافیوں سے گفتگو کرتے ہوئے کہا کہ بی جے پی انتخابی فائدے کیلئے ہندوئوں اور مسلمانوں کے درمیاں تقسیم پیدا کر رہی ہے ۔ انہوں نے اس سلسلے میں اتر پردیش کے وزیر اعلیٰ یوگی آدتیہ ناتھ کے حالیہ بیان کاحوالہ دیا جس میں انہوں نے کہاتھا کہ اترپردیش میں آئندہ اسمبلی انتخابات میں مقابلہ80اور 20فیصد کے درمیان ہیں، جو ریاست میں مسلمانوں اور ہندوئوں کی مجموعی آبادی کی طرف واضح اشارہ ہے۔ محبوبہ مفتی نے کہاکہ بی جے پی نے مذہب کے نام پر ہندو اور مسلمانوں کو تقسیم کیا اوروہ ملک میں مذہبی بنیادوں پر ہی اپنی سیاست کر رہی ہے ۔ انہوں نے کہاکہ بھارت میں بی جے پی کے پاس مذہبی سیاست کے علاوہ اورکوئی ایجنڈا نہیں ہے ۔محبوبہ مفتی نے مزید کہا کہ پی ڈی پی پر قابض انتظامیہ کورونا وائرس کے ایس او پیز کی آڑ میں قدغن عائدکررہی ہے جبکہ دیگر سیاسی جماعتوں پر کوئی پابندی نہیں ہے۔
تازہ ترین
- بھارت میں اقلیتوں کے حقوق کی تشویشناک حد تک خلاف ورزیاں جاری ہیں
- مقبوضہ کشمیر:پولیس کا ڈپٹی سپرنٹنڈنٹ سرینگر سے گرفتار
- نریندر مودی خطے میں دہشت گردی میں ملوث ہے ،مشعال ملک
- کینیڈا ،انڈیا سفارتی تنازعہ شدت اختیار کرگیا، بھارت نے کینیڈا کیلئے ویزا سروسز تاحکم ثانی معطل کردیں
- محمود ساغر کا ترک صدر کے نام خط ،جنرل اسمبلی میں مسئلہ کشمیر اجاگر کرنے پر شکریہ ادا کیا
- کینیڈا نے بھارت کی سفری ہدایات کو مسترد کردیا
- کینیڈا میں خالصتان تحریک کا ایک اور لیڈر سکھدول سنگھ قتل
- صدر بائیڈن سکھ لیڈر کے قتل میں بھارت کے ملوث ہونے کے الزامات کو سنجیدگی سے دیکھ رہے ہیں ، جان کربی
- ہردیپ سنگھ نجار کے قتل کے بعد کینیڈا میں سکھ اور دیگرامیگرینٹ کمیونٹیز خود کو غیر محفوظ سمجھتی ہیں، جگمیت سنگھ
- تنازعہ کشمیر جنوبی ایشیائی خطے کے امن و استحکام کو درپیش اہم ترین چیلنج ہے ، سعودی وزیر خارجہ