آزاد کشمیر
گلگت بلتستان کا 76واں یوم آزادی آج منایا جا رہا ہے
گلگت: گلگت بلتستان کا 76واں یوم آزادی آج روایتی جوش و جذبے کے ساتھ منایا جا رہا ہے۔
کشمیرمیڈیاسروس کے مطابق سیاسی، سماجی اور ادبی حلقوں کی جانب سے گلگت بلتستان کے یوم آزادی کو شایان شان طریقے سے منانے کے لیے مختلف تقریبات کا اہتمام کیا جا رہا ہے۔گلگت بلتستان میں آج عام تعطیل ہے۔گلگت بلتستان کا یوم آزادی ہر سال یکم نومبر کو منایا جاتا ہے ۔ گلگت سکائوٹس نے 1947میں اس دن اپنے وطن کو ڈوگرہ راج سے آزاد کرایا تھا اور ڈوگرہ گورنر گھنسارا سنگھ کو گرفتار کر لیا تھا۔یوم آزادی کے سلسلے میں ہیلی پیڈ گرائونڈ جوٹیال گلگت میں رنگا رنگ تقریب کا انعقاد کیا جائے گا۔
