بھارت
ہریانہ :فیکٹری کا بوائلر پھٹنے سے 4مزدور ہلاک،40زخمی
چندی گڑھ: بھارتی ریاست ہریانہ کے صنعتی علاقے دھاروہیڑا میں ایک فیکٹری کا بوائلرپھٹنے سے 4افراد ہلاک اور 40 زخمی ہو گئے ہیں۔
کشمیرمیڈیاسروس کے مطابق ریواڑی کے صنعتی علاقے دھاروہیڑا میں پرزہ جات بنانے والی فیکٹری میں بوائلرکے دھماکے میں 4مزدورہلاک اور متعد د زخمی ہو گئے ہیں جن میں10کی حالت تشویشناک ہے۔ پولیس کے مطابق زخمیوں کو روہتک کے پی جی آئی ایم ایس ہسپتال میں داخل کرادیاگیا ہے ۔پولیس نے فیکٹری کے مالک کے خلاف مقدمہ درج کر لیا ہے جبکہ ہریانہ کے وزیر اعلی نائب سنگھ سینی نے واقعہ کی تحقیقات کا حکم دیا ہے۔
