اترپردیش :مسلح افراد کی فائرنگ میں دو صحافی زخمی

لکھنو 15جولائی(کے ایم ایس)
بھارتی ریاست اتر پردیش میں نامعلوم مسلح افراد کی فائرنگ میں 2 صحافی زخمی ہوگئے ہیں ۔
کشمیرمیڈیاسروس کے مطابق شیام سندر پانڈے اور لڈو پانڈے دونوں ہندی کے معروف روزناموں سے وابستہ ہیں ۔ ان پر مسلح افراد نے اس وقت فائر نگ کی جب وہ ضلع سون بھدرا میں رائے پور پولیس اسٹیشن کی حدود میں واقع ایک ریسٹورنٹ میں چائے پی رہے تھے۔ انہیں فوری طور پر زخمی حالت میں ہسپتال منتقل کیا گیا ۔اے ایس پی ونود کمار سنگھ کے مطابق موٹر سائیکل پرسواردو نامعلوم مسلح افراد جنہوں نے ہیلمٹ پہن رکھے تھے، کلیاری مارکیٹ میں واقع ریستوران میں فائرنگ کر کے فرار ہو گئے جس سے صحافی شیام سندر پانڈے اور لڈو پانڈے کو زخمی ہو گئے ۔واقعہ سے علاقے میں خوف وہراس پھیل گیا ۔