بھارت
پاکستان بھارت کے ساتھ پرامن اور تعاون پر مبنی تعلقات کا خواہاں ہے: وزیراعظم شہباز شریف
اسلام آباد 12اپریل(کے ایم ایس )وزیراعظم شہباز شریف نے کہا ہے کہ پاکستان بھارت کے ساتھ پرامن اور تعاون پر مبنی تعلقات کا خواہاں ہے۔
کشمیر میڈیا سروس کے مطابق منگل کو ایک ٹویٹ میں وزیراعظم نے کہا کہ جموں و کشمیر سمیت تمام تنازعات کا پرامن حل ناگزیر ہے۔ انہوں نے کہا کہ ہمیں امن کو یقینی بنانا چاہیے اور اپنے لوگوں کی سماجی و اقتصادی ترقی پر توجہ دینی چاہیے۔شہباز شریف نے کہا کہ دہشت گردی کے خلاف جنگ میں پاکستان کی قربانیاں سب جانتے ہیں۔انہوں نے پاکستان کا وزیراعظم بننے پر مبارکباد دینے پر بھارتی وزیراعظم نریندر مودی کا بھی شکریہ ادا کیا۔
