(کشمیر میڈیا سروس)
سرینگر 06 مئی (کے ایم ایس)بھارت کے غیر قانونی زیر قبضہ جموں و کشمیر میں کل جماعتی حریت کانفرنس کے رہنماو¿ں نے ممتاز مجاہد کمانڈر ریاض نائیکو اور ان کے ساتھی عادل احمد کو شہادت کی دوسری برسی پر شاندار خراج عقیدت پیش کرتے ہوئے کہا ہے بھارت کی طرف سے خطے میں جاری ظلم و ستم کا ایک دن ضرور خاتمہ ہو گا۔
کشمیر میڈیا سروس کے مطابق رہنماو¿ں نے کہا کہ نائیکو اور عادل نے مقدس مقصد کے لیے اپنی جانیں قربان کیں۔ انہوں نے کہا کہ کشمیریوں کا مقدس خون رائیگاں نہیں جائے گا اور وہ دن دور نہیں جب مقبوضہ جموں وکشمیر میں بھارتی ظلم و ستم کا خاتمہ ہو گا۔حریت رہنماو¿ں نے اس بات پر زور دیا کہ شہداءکشمیر کی جدوجہد آزادی کے مشعل راہ تھے اور انہوں نے اسے اپنے خون سے پروان چڑھایا ہے۔ انہوں نے کہا کہ کشمیری عوام اپنے جوانوں کی قربانیوں کو کبھی فراموش نہیں کریں گے اور ان کے مشن کو ہر قیمت پر پورا کریں گے۔انہوں نے کہا کہ کشمیری گزشتہ سات دہائیوں سے زائد عرصے سے حل طلب تنازعہ کشمیر کی قیمت چکا رہے ہیں۔ حریت رہنماﺅں نے کہا کہ صرف 1989 سے اب تک 96 ہزار سے زائد کشمیری شہید ہو چکے ہیں، 8ہزار سے زائد کو حراست میں لاپتہ کیا جا چکا ہے، ہزاروں دیگر افراد کو تحریک آزادی سے وابستگی کی سزا دینے کے لیے جیلوں میں بند کیا گیا ہے۔
انہوں نے کہا کہ بھارتی حکمران کشمیریوں کو بدترین ریاستی دہشت گردی کا نشانہ بنا رہے ہیں اور نریندر مودی کی قیادت میں فسطائی بھارتیہ جنتا پارٹی کے اقتدار میں آنے کے بعد ان پر مظالم میں کئی گنا اضافہ ہوا ہے۔ حریت رہنماو¿ںنےعالمی برادری پر زور دیا کہ وہ بھارت کومقبوضہ جموںوکشمیرمیں جنگی جرائم پر جوابدہ ٹھہرائے اور اسے کشمیری عوام کو ان کا حق خودارادیت دینے پر مجبور کرے۔
تازہ ترین
- دہلی یونیورسٹی نے بی اے کے نصاب سے علامہ اقبال کو نکال دیا
- عوامی مجلس عمل کا میر واعظ خاندان سے وابستہ کئی شخصیات کے انتقال پراظہار تعزیت
- وادی کشمیر میں زلزلے کے جھٹکے
- وزیر اعظم اور وزیر خارجہ یاسین ملک کی بحفاظت رہائی کے لیے آواز اٹھائیں: مشعال ملک
- کشمیریوں کو درپیش مشکلات کا خاتمہ انتہائی ناگزیر ہے: ڈاکٹر فائی
- مودی حکومت اپنی عدلیہ کے ذریعے یاسین ملک کو قتل کرنے کی سازش کر رہی ہے: جی اے گلزار
- چھتیس گڑھ حملے میں دو بی ایس ایف اہلکار زخمی
- عالمی برادری یاسین ملک کی زندگی کو درپیش خطرات کا فوری نوٹس لے : جموں و کشمیر لبریشن الائنس
- یاسین ملک کے کیس پر نظرثانی کرنے کی ضرورت ہے:محبوبہ مفتی
- بھارتی فوجیوں کی کشتواڑ میں بڑے پیمانے پر محاصرے اورتلاشی کی کارروائی، رہائشی ہراساں