بھارتی فضائیہ کا سارجنٹ جاسوسی کے الزام میں گرفتار
نئی دلی 12 مئی (کے ایم ایس)
بھارتی فضائیہ کے ایک اہلکار کو جاسوسی کے الزام میں گرفتار کیاگیا ہے ۔
کشمیرمیڈیاسروس کے مطابق کانپور کے رہائشی بھارتی فضائیہ کے سارجنٹ دیویندر کمار شرما کو دفاعی تنصیبات سے متعلق خفیہ اور حساس معلومات لیک کرنے پر گرفتار کیا گیا ہے۔ دیویندر شرما سبروتو پارک نئی دلی میں واقع ائیر فورس ریکارڈ آفس میں ایڈمنسٹریٹو اسسٹنٹ کے طورپر کام کر رہا تھا۔دلی پولیس کی کرائم برانچ کے مطابق دیویندر شرما کو 6مئی بروز جمعہ کو گرفتار کیاگیاہے۔ دیویندر سنگھ پر مبینہ طورپر سوشل میڈیا پر ہنی ٹریپ ہونے کے بعد دفاعی تنصیبات، ریڈارکی سرگرمیوں اور فضائیہ کے اہلکاروں سے متعلق حساس اور خفیہ معلومات لیک کرنے کا الزام ہے۔ گرفتار سارجنٹ سے ملٹری انٹیلی جنس اور دلی پولیس مشترکہ طور پر پوچھ گچھ کر رہی ہیں۔فضائیہ کے اہلکار کے خلاف آفیشل سیکریٹ ایکٹ کے تحت مقدمہ درج کیا گیا ہے۔حکام کے مطابق دیویندر شرما بھارتی سم کارڈ استعمال کرنے والے کسی شخص سے معلومات شیئر کر رہاتھا جس کے عوض اس کی اہلیہ کے اکائونٹ میں رقم منتقل کی جارہی تھی ۔
