مقبوضہ جموں و کشمیر
جموں: مانسر جنگل میں پھر آگ بھڑک اٹھی
جموں 17 جون (کے ایم ایس) بھارت کے غیر قانونی طور زیر قبضہ جموںوکشمیر کے ضلع سامبا میں واقع مانسر جنگل میں ایک بار پھر آگ بھڑک اٹھی ہے۔کشمیر میڈیاسروس کے مطابق رپورٹس میں بتایا گیا کہ آگ نے جنگل کے ایک حصے کو اپنی لپیٹ میں لے لیا ہے جبکہ محکمہ فائر اینڈ ایمرجنسی سروسز کی ایک گاڑی اور پولیس اہلکار آگ بجھانے میں مصروف ہیں۔یاد رہے کہ دو دن پہلے بھی مانسر جنگل میں خوفناک آگ بھڑک اٹھی تھی جس سے جنگل کو کافی نقصان پہنچا تھا ۔
