حرمین الشریفین کی طرف سے راجہ سنگھ کے گستاخانہ بیان کی شدید مذمت
اسلام آباد 24 اگست (کے ایم ایس)
حرمین شریفین نے بھارت کی حکمران جماعت بھارتیہ جنتا پارٹی کے ایک رکن راجہ سنگھ کی طرف سے توہین رسالت کی شدید مذمت کی ہے اور بین الاقوامی تنظیموں سے اسلاموفوبیا کو پھیلنے سے روکنے اور مذہبی ہم آہنگی کو فروغ دینے کے لیے موثر اقدامات کرنے کی اپیل کی ہے۔
کشمیرمیڈیاسروس کے مطابق نیوز پبلیکیشن حرمین شریفین نے ایک بیان میں حیدرآباد کے حلقے گوشہ محل سے بھارت کی حکمران جماعت بی جے پی کے رکن اسمبلی راجہ سنگھ کی طرف سے پیغمبر اسلام ۖسے متعلق گستاخانہ بیان کی شدیدمذمت کی ہے۔ حرمین شریفین نے بین الاقوامی تنظیموں سے مطالبہ کیا ہے کہ وہ ایسے عناصر کو روکیں جو فرقہ وارانہ کشیدگی پیدا کرتے ہیں اور اسلامو فوبیا کے پھیلا ئوکو روکنے اور مذہبی ہم آہنگی کو فروغ دینے کے لیے اقدامات کریں۔
واضح رہے کہ حیدرآباد پولیس نے منگل کو ایک ویڈیو میں پیغمبر اسلام ۖ کی شان میں گستاخی کے خلاف درج مقدمے میں راجہ سنگھ کو گرفتار کیا تھا ۔ تاہم نامپلی کورٹ نے راجہ سنگھ کو ضمانت پر رہا کر دیا ہے ۔
