مقبوضہ جموں و کشمیر
بھارتی پولیس نے جنوبی کشمیر میں ایک نوجوان گرفتار کر لیا
سرینگر21ستمبر(کے ایم ایس) غیر قانونی طور پر بھارت کے زیر قبضہ جموں و کشمیر میں بھارتی پولیس نے جنوبی کشمیر کے ضلع اسلام آباد میں ایک نوجوان کو گرفتار کرلیا۔
کشمیرمیڈیاسروس کے مطابق نوجوان کو بھارتی فلم ”گرائونڈ زیرو”کے عملے کے خلاف احتجاج کے دوران گرفتارکیاگیا۔بھارتی پولیس نے اس وقت طاقت کا وحشیانہ استعمال کیا جب لوگوں نے ضلع کے علاقے پہلگام میں بھارتی فلم کی شوٹنگ عملے کے خلاف احتجاج کیا۔کچھ میڈیا رپورٹس میں دعویٰ کیا گیا ہے کہ بھارتی فلمی اداکار عمران ہاشمی اتوار کو پیش آنے والے اس واقعے میں زخمی ہو گئے۔بتایاجاتا ہے کہ پہلگام کے علاقے میں فلم کی شوٹنگ ہورہی تھی اورلوگوں نے شوٹنگ کے عملے پر پتھرائو کیا۔ تاہم فلمسٹار ہاشمی زخمی ہونے کی خبروں کی تردید کی ہے۔
