(کشمیر میڈیا سروس)
کشمیرمیڈیاسروس کے مطابق کانگریس نے الزام لگایا کہ یہ ایک جعلی ویڈیو ہے جس کے ذریعے بھارتیہ جنتا پارٹی راہول گاندھی کی قیادت میں پیدل مارچ کو بدنام کرنے کی کوشش کر رہی ہے۔حکمراں بی جے پی نے دعویٰ کیا کہ اپوزیشن پارٹی نے پاکستان کے حق میں نعرے لگانے کے بعد کلپ کو حذف کر دیاہے۔کھرگون کے پولیس سپرنٹنڈنٹ دھرم ویر سنگھ یادو نے کہا کہ سنواد پو لیس اسٹیشن میں پاکستان کے حق میں نعرے لگانے پر نامعلوم افراد کے خلاف مقدمہ درج کیا گیا ہے۔انہوں نے کہاکہ مزید تحقیقات جاری ہے۔مدھیہ پردیش میں کانگریس کمیٹی کے میڈیا ڈپارٹمنٹ کے چیئرپرسن کے کے مشرا نے ایک بیان میں دعویٰ کیا کہ یہ ایک جعلی ویڈیو ہے۔ بی جے پی راہل گاندھی کی یاترا کی کامیابی سے خوفزدہ ہے۔ بی جے پی نے فرضی ویڈیو کا استعمال کرکے اس مارچ کو بدنام کرنے کی کوشش کی۔ مشرا نے کہا کہ مدھیہ پردیش میں بی جے پی کے میڈیا انچارج لوکندر پراشر کے خلاف قانونی کارروائی کی جائے گی جنہوں نے اپنے ٹوئٹر ہینڈل پریہ ویڈیو شیئر کی تھی۔ادھر مدھیہ پردیش میں بی جے پی کے ترجمان پنکج چترویدی نے کہاہے کہ ویڈیو کو ریاستی کانگریس کے ٹویٹر ہینڈل نے 25نومبر کی صبح 8.52 پر شیئر کیا تھا اور بعد میں اس میں پاکستان نواز نعرہ سننے کے بعد اسے حذف کر دیا گیا۔اس سے قبل چھتیس گڑھ پولیس نے بھارت جوڑو یاترا کے دوران پاکستانی نواز نعروں کی مبینہ ویڈیو سوشل میڈیا پرپوسٹ کرنے کے الزام پر ایک شخص کے خلاف مقدمہ درج کیا تھا۔سیاسی تجزیہ کار مودی کی قیادت میں موجودہ بھارت میں پاکستان کے حق میں نعرے لگانے کے بڑھتے ہوئے واقعات کی کئی طرح کی تشریح کررہے ہیں۔ ان کا کہنا ہے کہ ہندوتوا پالیسیوں کے نتیجے میں دبی ہوئی کچھ اقلیتیں بھارتیہ جنتا پارٹی کے رویے کے خلاف احتجاج میں ایسا کرتی ہیں۔تجزیہ کاروں کا خیال ہے کہ سماج کے کچھ سیکولر طبقات بشمول کانگریس پارٹی کے ارکان بی جے پی کو چھیڑنے کے لیے پاکستان کے حق میں نعرے لگاتے ہیں۔
تازہ ترین
- مقبوضہ جموں و کشمیر میں صحافیوں اور اقوام متحدہ سے منسلک تنظیموں کے خلاف انتقامی کارروائیوں میں اضافہ ہوا ہے
- عدالت کا وحید پرہ کو والد کے علاج کے لیے کشمیر سے باہر جانے کی اجازت دینے سے انکار
- مقبوضہ جموں و کشمیر کے ضلع پونچھ میں این آئی اے کے چھاپے
- بھارت: ہائی کورٹ نے گواہاٹی ایئرپورٹ پرنماز پڑھنے کے لیے جگہ فراہم کرنے کی درخواست مستردکردی
- پولیس اہلکار نے زمین کے تنازعے پر بھائی کو قتل کردیا
- بھارتی فوجیوں نے مزید دو کشمیری نوجوان جعلی مقابلے میں شہید کردیے
- بھارت :منی پور میں ریاست کا کردار متعصبانہ رہا ہے: امن کارکن
- لندن: خالصتان حامی سکھوں نے بھارتی ہائی کمشنر کو گردوارے میں داخل ہونے سے روک دیا
- مقبوضہ جموں وکشمیر: بھارتی فوجیوں نے کپواڑہ میں دو نوجوان شہید کر دیے
- مقبوضہ جموں وکشمیر: عید میلا دالنبیﷺ انتہائی جوش و خروش سے منائی گئی