بھارت
چھتیس گڑھ: نکسل باغیوں کے حملے میں دو بھارتی پولیس اہلکار ہلاک
نئی دلی 20فروری(کے ایم ایس)
بھارتی ریاست چھتیس گڑھ نکسل باغیوں کے حملے میں دو پولیس اہلکار ہلاک ہو گئے ہیں ۔
ضلع کے علاقے راج ناندگائوں میں پیر کو صبح سویرے نکسل باغیوں نے ہیڈ کانسٹیبل راجیش سنگھ اور ایک اور افسر پر 20 رائونڈ فائر کیے ۔ دونوں اہلکار چند سوراج اور بورتالائو کے درمیان واقع پولیس چوکی جا رہے تھے۔اطلاعات کے مطابق راجیش سنگھ بورتالائو پولیس اسٹیشن میں تعینات تھا۔ راج ناندگائوں کے پولیس سپرنٹنڈنٹ ابھیشیک مینا نے ہلاکتوں کی تصدیق کی ہے ۔ انہوں نے کہاکہ حملے میں ایک اہلکار موقع پر ہی ہلاک ہو گیا جبکہ دوسرا ہسپتال میں زخموں کی تاب نہ لاتے ہوئے چل بسا ۔ ایس پی کے مطابق باغیوں نے پولیس اہلکاروں کی موٹر سائیکل جس پر وہ سفر کر رہے تھے کو بھی آگ لگا دی ۔
