(کشمیر میڈیا سروس)
سرینگر25 فروری (کے ایم ایس) بھارت کے غیر قانونی زیر قبضہ جموں وکشمیر میں پیپلز ڈیموکریٹک پارٹی (پی ڈی پی) نے انتظامیہ کی طرف سے پراپرٹی ٹیکس کے نفاذ کےخلاف احتجاج مارچ کیا۔
کشمیر میڈیا سروس کے مطابق بھارتی انتظامیہ نے مقبوضہ علاقے میں یکم اپریل سے پراپرٹی ٹیکس لاگوکرنے کا حکمنامہ جاری کیا ہے۔
پیپلز ڈیموکریٹک پارٹی (پی ڈی پی) کے درجنوں کارکنوں نے تنظیم کے ترجمان اعلیٰ سہیل بخاری کی قیادت میں سرینگر میں پارٹی ہیڈکوارٹر سے احتجاجی ریلی نکالی۔ پارٹی کارکنوں نے پراپرٹی ٹیکس کے نفاذ کے خلاف نعرے لگائے اور اسے واپس لینے کا مطالبہ کیا۔ انہوں نے لال چوک سٹی سینٹر کی طرف مارچ کرنے کی کوشش کی لیکن بھارتی پولیس نے ٹریفک ہیڈ کوارٹر کے قریب انہیں روک دیا۔
سہیل بخار ی نے اس موقع پر ذرائع ابلاغ کے نمائندوں سے بات کرتے ہوئے کہا کہ جموں و کشمیر کی انتظامیہ یہاں کے لوگوں کو معاشی طور پر کمزور کرنے کی کوشش کر رہی ہے۔ انہوں نے کہا کہ پہلے ہمارے سیاسی حقوق چھینے گئے، پھر یہاں جمہوریت کو دفن کیا گیا، انسداد تجاوزات مہم کے نام پر غریبوں کو تنگ اور ان کے گھروں کو بلڈوز کیا جارہا ہے۔ انہوں نے کہا کہ اب پراپرٹی ٹیکس کا حکمنامہ جاری کیا گیا ۔پی ڈی پی کے ترجمان اعلیٰ نے کہا کہ بی جے پی حکومت لوگوں کی مشکلات کو مزید بڑھانے کی کوشش کر رہی ہے۔ انہوں نے پراپرٹی ٹیکس کا حکمنامہ واپس لینے کا مطالبہ کیا۔
تازہ ترین
- بھارتی مظالم کا شکار مسلم باپ بیٹا کراچی پہنچ گئے ، پناہ کی درخواست
- پی سی بی کے احتجاج کے بعد بھارت نے قومی اسکواڈ کو ویزے جاری کر دئے
- بھارتی حکومت نے صدر اردوان کو نئی دلی کی جامع مسجد کے امام سے ملاقات سے روک دیا
- ایف بی آئی نے امریکہ میں مقیم سکھوں کو انکی زندگیوں کو لاحق خطرات سے آگاہ کیاتھا
- کینیڈا بین الاقوامی دباؤکو خاطر میں نہ لائے،ہردیپ سنگھ کے قتل کی شفاف تحقیقات کرے: امریکا
- مودی کی زیرقیادت بھارت میں مسلمانوں کیخلاف نفرت اورتشدد کے واقعات میں تیزی سے اضافہ ہوا ہے
- کیرالہ:نامعلوم افراد کا بھارتی فوجی اہلکار پر حملہ ،سبز رنگ سے پیٹھ پر پاپولر فرنٹ آف انڈیا لکھ دیا
- پٹنہ: ادھار پر قرض ادا نہ کرنے پر بااثرہندو نے دلت خاتون کو برہنہ کر کے اس پر پیشاب کر دیا
- بھارت مقبوضہ کشمیرمیں انسانی حقوق کی سنگین خلاف ورزیاں کررہا ہے، مشعال ملک
- مقبوضہ کشمیر:مودی حکومت نے پی ڈی پی یوتھ ونگ کے صدر کا پاسپورٹ ضبط کر لیا