بھارت
مالدیپ کا بھارت سے جزیرہ نما سے اپنے فوجی واپس بلانے کا مطالبہ
مالے:مالدیپ کے صدر محمد معزو نے بھارت سے مطالبہ کیاہے کہ وہ جزیرہ نما میں موجود اپنے فوجی اہلکاروں کو واپس بلائے۔
کشمیر میڈیا سروس کے مطابق مالدیپ کے صدر نے مالے میں بھارتی وزیر برائے ارتھ سائنسز کرین رجیجو سے ملاقات کے دوران بھارتی حکومت پر زور دیا کہ وہ ان کی سرزمین پر موجود بھارتی فوجیوں کو واپس بلائے۔بھارت کا دعویٰ ہے کہ مالدیپ میں اس کے ایک ڈورنیئر طیارے کے علاوہ دو دھرو ایڈوانس ہلکے ہیلی کاپٹر چلانے کے لیے چند فوجی اہلکار ہیں۔محمد معزومالدیپ میں غیر ملکی فوجیوں کی موجودگی کو ختم کرنے کے اپنے قبل از انتخابات وعدے کو پورا کر رہے ہیں۔انہوں نے ستمبر میں صدارتی انتخاب میں بھارت نواز رہنماابراہیم صالح کو شکست دی تھی۔
)