مقبوضہ جموں و کشمیر
شوپیاں میں ٹریکٹر ڈرائیور مردہ پایا گیا، کشتواڑ میں زلزلہ
سرینگر: بھارت کے غیر قانونی زیر قبضہ جموں وکشمیر کے ضلع شوپیاں میں آج ایک ٹریکٹر ڈرائیور اپنی سیٹ پر مردہ پایا گیا۔
کشمیر میڈیا سروس کے مطابق ضلع کے علاقے ہف Heffمیں بشیر احمد ڈار نامی ٹریکٹر ڈرائیور اپنی ڈرائیونگ سیٹ پر مردہ پایا گیا۔ پولیس نے ڈرائیور کی موت کی وجہ جاننے کیلئے تفتیش شروع کر دی ہے۔
ادھر جموں خطے کے ضلع کشتواڑ میں آج(جمعرات) صبح 3.9شدت کا زلزلہ محسوس کیا گیا۔زلزلے کا مرکز کشتواڑ کے قریب 5کلو میٹر کی گہرائی میں تھا۔ کسی جانی یا مالی نقصان کی کوئی اطلاع نہیں ہے۔
