بھارت
بھارت: ”وکرما دتیہ ویدک گھڑی“پر سائبر حملہ
لکھنو:بھارتی ریاست اتر پردیش میں ”وکرما دتیہ ویدک گھڑی“پر سائبر حملہ کیا گیا ہے ۔ وکرما دتیہ ویدک گھڑی نامی موبائل ایپ کا چند روز قبل وزیر اعظم نریندرمودی نے افتتاح کیا تھا۔
کشمیر میڈیاسروس کے مطابق سائبر حملے کی وجہ سے وکرما دتیہ ویدک گھڑی کا سرور پراسس دھیما پڑ گیا ہے اور لوگ اسکا استعمال نہیں کر پا رہے۔ وکرمادتیہ ریسرچ انسٹی ٹیوٹ کے ڈائریکٹر شری رام تیواری نے ذرائع ابلاغ کو بتایا کہ اس سائبر حملے کی سائبر سیل میں شکایت درج کروا دی گئی ہے اور معاملے کی تحقیقات شروع کر دی گئی ہیں۔ اس ویب گھڑی کے ذریعے وقت کے علاوہ ، مہینے ، چاندسیاروں کی حالت ، مختلف تہواروں ، سورج گرہن اور چاند گرہن کے بارے میں بھی معلومات حاصل کی جاسکتی ہیں۔
