بھارت
بھارت :فیروز پور میں توہین مذہب کے الزام میں ایک نوجوان کو پیٹ پیٹ کر قتل کر دیا گیا
فیروز پور:بھارتی ریاست پنجاب کے علاقے فیروز پور کے ایک گوردوارے میں مبینہ طوپر ایک توہین آمیز واقعے کے بعد ایک نوجوان کو پیٹ پیٹ کرقتل کر دیا گیا۔
کشمیرمیڈیاسروس کے مطابق پولیس نے بتایا کہ ٹلی غلام گائوں کے رہائشی بخشیش سنگھ نے بنڈالہ گائوں کے ایک گوردوارے میں داخل ہونے کے بعد مبینہ طور پر گرو گرنتھ صاحب کے کچھ صفحات پھاڑ دیے۔بخشیش کے والد لکھویندر سنگھ نے کہا کہ وہ ذہنی طور پر بیمار تھا اور اس کا علاج چل رہا تھا۔پولیس نے بخشیش سنگھ کے خلاف ایف آئی آر درج کر لی۔بخشیش کے والد لکھویندر نے کہا کہ ان کا بیٹا گزشتہ چند سال سے ذہنی طور پر بیمار تھا اور اس کا علاج چل رہا تھا۔ انہوں نے کہا کہ پولیس کو ان لوگوں کے خلاف بھی ایف آئی آر درج کرنی چاہیے جنہوں نے ان کے بیٹے کو قتل کیا۔
