مقبوضہ جموں و کشمیر
مٹی کے تودے گرنے کے باعث سرینگر جموں ہائی وے ٹریفک کے لئے بند
سرینگر:غیر قانونی طور پر بھارت کے زیر قبضہ جموں و کشمیر کے علاقے رامسو میں مٹی کے تودے اور چٹانیں گرنے کے باعث سرینگر جموں ہائی وے گاڑیوں کی آمدورفت کے لئے بند کردی گئی۔
کشمیرمیڈیاسروس کے مطابق ٹریفک حکام نے بتایا کہ رامسو کے علاقے میں مٹی کے تازہ تودے اور چٹانین گرنے کے بعد شاہراہ کو ٹریفک کے لئے بند کردیا گیا۔
دریں اثناء مسافروں اور گاڑی مالکان نے بتایا کہ ٹریفک پولیس کا محکمہ سڑک کی صورتحال کے بارے میں بر وقت معلومات فراہم کرنے میں ناکام رہا۔انہوں نے کہا کہ لوگ سڑک کی صورتحال کے بارے میں معلومات حاصل کرنے کے لئے ادھم پور اور رامبن میں محکمے کے نمبرز پر کالیں کرتے رہے لیکن ان کی کالوں کا جواب تک نہیں دیاگیا۔
