پاکستان اقوام متحدہ کی سلامتی کونسل کا غیر مستقل رکن منتخب
واشنگٹن :
پاکستان اقوام متحدہ کی سلامتی کونسل کا غیر مستقل رکن منتخب ہو گیاہے۔
کشمیرمیڈیاسروس کے مطابق پاکستان کو اقوام متحدہ کی جنرل اسمبلی کے 78 ویں اجلاس میں ہونیوالے ووٹنگ کے دوران سلامتی کونسل کا غیر مستقل رکن منتخب کیاگیا ۔پاکستان کی غیر مستقل رکنیت کیلئے 182 ملکوں نے حمایت کی، پاکستان 2025سے 2026 کیلئے سلامتی کونسل کا رکن منتخب ہوا ہے۔پاکستان سے پہلے ایشیا پیسفک گروپ کی نشست جاپان کے پاس تھی۔وزیراعظم شہباز شریف نے پاکستان کے سلامتی کونسل کے غیرمستقل رکن کے انتخاب پر قوم کو مبار کباد دی ہے۔شہباز شریف نے اپنے بیان میں کہا کہ سلامتی کونسل کا رکن منتخب ہونا امن و سلامتی کے لیے قوم کے عزم کا ثبوت ہے، چیلنجز سے نمٹنے کے لیے عالمی برادری کے ساتھ مل کر کام کریں گے۔اس کے علاوہ نائب وزیراعظم اسحاق ڈار نے پاکستان کا سلامتی کونسل کا غیر مستقل رکن منتخب ہونے پر مبارکباد دی ہے۔
