بھارت
دہلی : موسلا دھار بارش سے مرنے والوں کی تعداد 11 ہو گئی ۔ فلائٹ آپریشن ٹھپ
نئی دہلی:بھارتی دارلحکومت نئی دہلی میں رواں ہفتے کی موسلا دار بارش سے مرنے والوں کی تعداد 11 ہو گئی ہے، دارالحکومت میں فلائٹ آپریشن ٹھپ ہو کر رہ گیا۔
کشمیر میڈیا سروس کے مطابق نئی میں رواں ماہ بدترین گرمی کے دوران 28 جون کو انتہائی طوفانی بارش ہوئی ۔ صرف ایک دن میں اس قدر شدید بارش ہوئی کہ دہلی کے اندرا گاندھی انٹرنیشنل ائر پورٹ ہوائی اڈے کے تین ٹرمینلز میں سے ایک کی چھت اڑ گئی، پروازوں میں خلل پڑا، شہر کے انڈر پاسز میں سیلاب آ گیا اور دارلحکومت کے کچھ حصوں میں بڑے پیمانے پر ٹریفک جام ہوا اور بجلی و پانی کی بندش ہوئی۔
ہوائی اڈے سے تقریباً 60 پروازیں منسوخ کی گئیں۔
