بھارت
آسام:بی جے پی حکومت کا ایک اور مسلم مخالف اقدام، مسلم شادی رجسٹری شن بل منطور، قاضی کا اختیار ختم
گوہاٹی: بھارتی ریاست آسام میں بی جے پی حکومت نے ایک اور مسلم مخالف اقدام کرتے ہوئے مسلم شادی رجسٹریشن بل منظور کر لیا ہے ۔
کشمیر میڈیاسروس کے مطابق کابینہ نے مسلم شادی رجسٹریشن اب سب رجسٹرار کے ذریعے کرانا لازمی قرار دیا ہے ۔وزیر اعلیٰ ہیمنت بسوا سرما نے اس موقع پر کہا کہ اب ریاست میں قاضی صاحبان مسلمانوںکی شادیوںکے رجسٹریشن کرانے کے اہل نہیں ہونگے ۔ مسلم شادی رجسٹریشن بل 2024کی منظوری کے بعد اب مسلمانوں کی شادی کی رجسٹریشن کا اختیار قاضی سے چھن جائے گا اور یہ یہ ذمہ داری حکومت کے پاس ہو گی ۔ قبل ازیں قاضی صاحبان مسلمانوں کی شادیوں کو رجسٹرڈ کرتے تھے تاہم اب صرف سب رجسٹرار ہی مسلم شادیوںکی رجسٹریشن کر سکیں گے۔
