مقبوضہ جموں و کشمیر
کشمیریوں کو درپیش اہم مسائل کو نظر انداز کرنے پر بی جے پی حکومت پر تنقید
جموں: بھارت کے غیر قانونی زیر قبضہ جموں وکشمیر میں نیشنل کانفرنس کے صدر فاروق عبداللہ نے کشمیریوں کو درپیش اہم مسائل کو نظر انداز کرنے پر بھارتیہ جنتا پارٹی کی بھارتی حکومت پر کڑی تنقید کی ہے۔
کشمیرمیڈیاسروس کے مطابق فاروق عبداللہ نے جموں میں اپنی رہائش گاہ پر مختلف وفود سے گفتگو کرتے ہوئے جموں میونسپل کارپوریشن کی غیر تسلی بخش کارکردگی پر سوال اٹھاتے ہوئے کہا کہ ادارے کی بدانتظامی کی وجہ سے عوام کو کافی مشکلات کا سامنا کرنا پڑ رہا ہے ۔
دریں اثنا نیشنل کانفرنس کے ایڈیشنل جنرل سکریٹری اجے کمار سدھوترا نے بھگوتی نگر میں ایک جلسے سے خطاب کرتے ہوئے مذہبی اور علاقائی تقسیم کو فروغ دینے پر بی جے پی پر تنقید کی۔
