مقبوضہ جموں و کشمیر
رام بن: سڑک حادثے میں چار خواتین سمیت 5افراد جان بحق
جموں 15دسمبر(کے ایم ایس)بھارت کے غیر قانونی زیر قبضہ جموںوکشمیر میں جموںخطے کے ضلع رام بن میں ایک سڑک حادثے میں چار خواتین سمیت پانچ افراد جان بحق ہو گئے ہیں۔
کشمیر میڈیاسروس کے مطابق ضلع کے علاقے راج گڑھ میں ایک چھوٹی مسافر گاڑی ڈرائیور کے قابو سے باہرہو کر ایک گہری کھائی میںجا گری جس کے نتیجے میں اس میں سوار تمام مسافر شدید زخمی ہو گئے جن میں سے چار مسافر خواتین اور ڈرائیور ہسپتال منتقلی کے دوران زخموں کی تاب نہ لاتے ہوئے چل بسے ۔ دو زخمی ہسپتال میں زیر علا ج ہیں جن میں سے ایک کی حالت تشویش ناک بتائی جا رہی ہے۔
جانبحق ہونے والی خواتین کے نام راہیدہ بانو، ربینہ بیگم ، آمنہ بانو، آسیہ بانو اور ڈرائیور سجاد احمد معلوم ہوئے ہیں۔ محمد یاسین اور خالدہ ہسپتال میں زیر علاج ہیں۔
