مقبوضہ جموں و کشمیر
پلوامہ: پولیس نے کالے قانون کے تحت زیر حراست کشمیری نوجوان کے خلاف فرد جرم دائر کر دی
سری نگر :بھارت کے غیرقانونی زیر قبضہ جموں وکشمیر میں بھارتی پولیس نے ضلع پلوامہ میں کالے قانون کے تحت زیر حراست ایک نوجوان کے خلاف فرد جرم دائر کر دی ہے۔
کشمیر میڈیا سروس کے مطابق پلوامہ کے علاقے لسی پورہ کے رہائشی حجاز نذیر ماگرے کے خلاف فرم جرم بدنام زمانہ بھارتی تحقیقاتی ادارے نیشنل انویسٹی گیشن ( این آئی اے )کی پلوامہ عدالت میں دائر کی گئی ۔ماگرے کو غیر قانونی سرگرمیوں کی روک تھام کے کالے قانون ”یو اے پی اے“ کے تحت حراست میں لیا گیا ہے ۔ انکی غیر قانونی حراست کا جواز فراہم کرنے کے لیے ان پر آزادی پسند سرگرمیوںمیں ملوث ہونے کا الزام عائد کیا گیا ہے۔