مقبوضہ جموں و کشمیر
کٹھوعہ :بھارتی فوجیوں نے بڑے پیمانے پر تلاشی آپریشن شروع کر دیا
جموں :بھارت کے غیر قانونی زیر قبضہ جموں و کشمیر میں بھارتی فوجیوں نے ضلع کٹھوعہ میں بڑے پیمانے پر تلاشی آپریشن شروع کر دیا ہے۔
کشمیرمیڈیاسروس کے مطابق فوجیوں نے آج علی الصبح ضلع کے علاقے بھتوڈی پنچایت کے تمام داخلی اور خارجی راستے سیل کرکے تلاشی مہم شروع کر دی۔
حکام کا کہنا ہے کہ یہ آپریشن علاقے میں عارضی طور پر قائم ایک فوجی کیمپ کے قریب مشکوک نقل وحرکت دیکھے جانے کے بعد شروع کیا گیا۔ فوجیوں اور نامعلوم افراد کے درمیان فائرنگ کا تبادلہ بھی ہوا ہے۔ آخری اطلاعات تک علاقے میں بھارتی فوج کا آپریشن جاری تھا۔