بھارت میں مذہبی اقلیتیں خوف ودہشت کے عالم میں زندگی گزار رہی ہیں، رپورٹ
کشمیر میڈیا سروس کی طرف سے آج جاری کردہ ایک رپورٹ میں کہا گیا ہے کہ نریندر مودی بھارت کی پالیسی کو ہندوتوا کے نظریے کے مطابق تشکیل دے رہے ہیں اور جب سے وہ وزیر اعظم بنے ہیں ملک میں مذہبی آزادی میں زبردست گراوٹ آئی ہے۔رپورٹ میں کہا گیا کہ مسلمان، عیسائی اور سکھ اپنے عقیدے کی وجہ سے بھارت میں مکمل طور پر غیر محفوظ ہیں کیونکہ ہندوتوا کا فلسفہ یہ ہے کہ بھارت میں رہنے کا حق صرف ہندوو¿ں کو ہے۔رپورٹ میں کہا گیا ہے کہ مودی کے فسطائی دور میں بھارت تیزی سے عدم برداشت کا شکار ہوتا جا رہا ہے اور ہندوتوا طاقتوں کی طرف سے مسلمانوں، عیسائیوں اور دیگر اقلیتوں کے مذہبی مقامات کی بے حرمتی کی جا رہی ہے۔ رپورٹ میں مزید کہا گیا کہ بی جے پی بھارت کو مذہبی اقلیتوں سے پاک کرنے کے مشن پر ہے۔رپورٹ میں کہا گیا ہے کہ انسانی حقوق کے عالمی اداروں اور عالمی برادری کو بھارت میں مذہبی اقلیتوں کے تحفظ کے لیے آگے آنا چاہیے اور ہندو فاشزام کا نوٹس لینا چاہیے اور بھارت میں مذہبی اقلیتوں کے خلاف جرائم کے لیے مودی کا محاسبہ کرنا چاہیے
