(کشمیر میڈیا سروس)
اسلام آباد 11 مئی (کے ایم ایس)
وزیرخارجہ بلاول بھٹو زرداری نے اقوام متحدہ کے سلامتی کونسل کے صدر اور اقوام متحدہ کے سیکرٹری جنرل کو خط لکھا ہے جس میں بھارت کے غیرقانونی زیرقبضہ جموں وکشمیر میں غیرقانونی حلقہ بندیوں کے ذریعے مسلمانوں کی نمائندگی کا تناسب کم کرنے کے مذموم منصوبے کا فوری نوٹس لینے کا مطالبہ کیا گیا ہے ۔
کشمیرمیڈیاسروس کے مطابق بلاول بھٹو نے اقوام متحدہ کی سلامتی کونسل پرزوردیا ہے کہ وہ بھارت کو یاد دلائے کہ جموں وکشمیر عالمی طورپرتسلیم شدہ متنازعہ علاقہ ہے اور وہ مقبوضہ علاقے میں آبادی کاتناسب تبدیل کرنے کے غیرقانونی اقدام سے گریز کرے۔بلاول بھٹو زرداری نے مطالبہ کیاکہ مقبوضہ جموں وکشمیر کے عوام کو اقوام متحدہ کی سلامتی کونسل کی قراردادوں کے مطابق صاف شفاف استصواب رائے کے ذریعے اپنے مستقبل کے تعین کی اجازت دی جائے۔انہوں نے مقبوضہ علاقے میں بھارت کی جانب سے انسانی حقوق کی بڑے پیمانے پر خلا ف ورزیوں کواجاگر کیا اور بھارت کی ان کوششوں کی جانب خصوصی توجہ دلائی جس کا مقصد کشمیری آبادی کو مزید بے اختیار کرنا اور آبادی کے تناسب کو تبدیل اورتقسیم کرنا ہے۔
وزیرخارجہ نے کہاکہ اس کوشش کا مقصد علاقے میں ایک اورکٹھ پتلی حکومت قائم کرنے کی راہ ہموار کرنا ہے جو بی بے پی آرایس ایس گٹھ جوڑ کا منصوبہ ہے اور ہندو توا نظریے کے مطابق ہے۔
تازہ ترین
- اورنگزیب اور ٹیپو سلطان کے بارے میں سوشل میڈیا پوسٹ پرمہاراشٹر میں مسلم مخالف تشدد
- امیت شاہ آئیں اورپنجاب میں جذبہ آزادی دیکھیں:خالصتان نواز رہنما کا چیلنج
- بھارت:اتراکھنڈ میں مسلم خاندانوں پر تشدد، بے دخلی کے نوٹس پر آئی اے ایم سی کا شدید ردعمل
- جموں: حادثاتی فائرنگ کے نیتجے میں دو بھارتی فوجی زخمی
- مودی حکومت مقبوضہ جموں وکشمیر میں ترقی کا جھوٹا بیانیہ پیش کر رہی ہے
- اتر پردیش :نماز کیلئے بس روکنے پر 2 سرکاری ڈرائیور معطل
- نئی دلی :منی پور کی” کوکی برادری“ کے ارکان کا امیت شاہ کی رہائش گاہ کے باہر احتجاج
- ” این آئی اے “نے خالصتان ٹائیگر فورس کے خلاف پنجاب، ہریانہ میں کئی مقامات پر چھاپے مارے
- جموں : قابض انتظامیہ کی عوام دشمن پالیسیوں کے خلاف احتجاجی مظاہرے
- کارگل :سڑک حادثے میں خاتون جانبحق، بچہ لاپتہ