APHC
مقبوضہ کشمیر :غیر قانونی طورپر نظربند حریت رہنماء کی والدہ وفات پاگئیں
سرینگر 29دسمبر (کے ایم ایس)
غیر قانونی طور پر بھارت کے زیر قبضہ جموں و کشمیر میں جیل میں غیر قانونی طورپر نظربند حریت رہنما عبدالصمد انقلابی کی والدہ آج ضلع بانڈی پورہ کے علاقے حاجن میں وفات پاگئی ہیں۔
کشمیر میڈیا سروس کے مطابق وہ کافی عرصے سے علیل تھیں۔عبدالصمد انقلابی دیگر حریت رہنمائوں کی طرح جیل میں غیر قانونی طورپر نظربند ہیں ۔ انکی والدہ اپنے بیٹے سے ملاقات کی آخری خواہش دل میں لئے اس دنیا سے کوچ کر گئی ہیں کیونکہ قابض انتظامیہ نے انہیں اپنے بیٹے سے ملاقات کی اجازت نہیں دی تھی۔
