حریت کانفرنس آزاد کشمیر شاخ کے زیراہتمام جمعہ کو بھارتی ہائی کمیشن کےباہراحتجاجی مظاہرہ کیاجائیگا

اسلام آباد: کل جماعتی حریت کانفرنس کی آزاد جموں و کشمیر شاخ کے زیر اہتمام 26جنوری بروز جمعہ کو بھارت کے یوم جمہوریہ کو یوم سیاہ کے طورپر منانے کیلئے اسلام آباد میں بھارتی ہائی کمیشن کے باہر ایک احتجاجی مظاہرہ کیاجائیگا۔
کشمیر میڈیا سروس کے مطابق مظاہرے میں کل جماعتی حریت کانفرنس آزاد کشمیر شاخ کے رہنماء اور دیگر حریت قائدین کے علاوہ لوگوں کی بڑی تعداد شرکت کرے گی ۔
واضح رہے کہ کنٹرول لائن کے دونوں اطراف اور دنیا بھرمیں مقیم کشمیری 26جنوری کو بھارت کے یوم جمہوریہ کو یوم سیاہ کے طورپر منانے کیلئے مقبوضہ کشمیر میں مکمل ہڑتال اورآزاد جموںو کشمیر، پاکستان اور دنیابھر کے اہم ملکوں کے دارالحکومتوں میں بھارت مخالف مظاہرے کریں گے اور احتجاجی ریلیاں نکالیں گے۔

Channel | Group  | KMS on

Subscribe Telegram | Group

| Apple