مقبوضہ جموں و کشمیر
رمضان المبارک کے دوران تمام کشمیری سیاسی نظربندوں کو رہا کیاجائے ، آغا حسن الموسوی
سرینگر:غیر قانونی طور پربھارت کے زیر قبضہ جموں و کشمیر میں کل جماعتی حریت کانفرنس کے سینئر رہنما اور انجمن شرعی شیعیان کے صدر آغا سید حسن الموسوی الصفوی نے بھارت اور مقبوضہ کشمیر کی جیلوں میں قید ہزاروں کشمیری سیاسی نظربندوں کی فوری رہائی کا مطالبہ کیا ہے۔
کشمیر میڈیا سروس کے مطابق آغا حسن الموسوی نے بڈگام میں نماز جمعہ کے اجتماع سے خطاب کر تے ہوئے قابض حکام پر زور دیا کہ وہ کشمیری عوام کے اجتماعی ضمیر کا احساس کرتے ہوئے رمضان المبارک کے دوران جذبہ خیر سگالی کے طور پر تمام کشمیری سیاسی نظربندوں کو غیر مشروط طور پر رہا کریں۔
