مقبوضہ جموں و کشمیر
راجوری میں ایل پی جی سلنڈر پھٹنے سے تین افراد زخمی
جموں:غیرقانونی طورپر بھارت کے زیر قبضہ جموں وکشمیرکے ضلع راجوری میں ایل پی جی سلنڈر پھٹنے سے تین افراد شدید زخمی ہو گئے۔
کشمیرمیڈیاسروس کے مطابق ضلع کے علاقے کھاہ میں ایل پی جی سلنڈر میں آگ لگنے اور پھٹنے سے تین افراد جھلس کر شدید زخمی ہو گئے۔زخمیوں کو فوری طور پر گورنمنٹ میڈیکل کالج واسپتال راجوری منتقل کیا گیا۔ تاہم ان کے زخموں کی نازک صورتحال دیکھ کر تینوں کو بعد میں خصوصی طبی دیکھ بھال کے لیے جی ایم سی جموں منتقل کیا گیا۔زخمیوں کی شناخت32سالہ وکم سنگھ ،38سالہ راکیش سنگھ اور 40سالہ شنکر سنگھ کے طور پر ہوئی ہے۔
