(کشمیر میڈیا سروس)
جموں یکم فروری ( کے ایم ایس)
غیر قانونی طور پربھارت کے زیر قبضہ جموں و کشمیر میں کل جماعتی حریت کانفرنس کے رہنما ایڈووکیٹ دیونیدر سنگھ بہل نے کہا ہے کہ کشمیری عوام نے بھارت کے جبری تسلط سے آزادی کیلئے بے مثال قربانیاں دی ہیں اور شہداء کی قربانیوں کوہرگز رائیگاں نہیں جانے دیا جائے گا۔
ایڈووکیٹ دیونیدر سنگھ بہل نے جموں سے جاری ایک بیان میں کہا کہ بھارت تحریک آزادی کشمیر کوکمزور کرنے کیلئے اوچھے ہتھکنڈے استعمال کررہا ہے۔ انہوں نے کہا کہ بھارت اپنے مکروہ اور مذموم عزائم کی تکمیل کیلئے آزادی پسند رہنمائوں کوبدنام کرنے کیلئے جھوٹی اور من گھڑت خبریں جاری کر رہا ہے۔ انہوںنے کہا کہ کشمیری عوام اور حریت قیادت بھارتی تسلط سے آزادی تک اپنی حق پر مبنی جاری رکھنے پر متفق ہے ۔ دیویندر سنگھ بہل نے کہا کہ کشمیری عوام شہداء کے خون کے ساتھ کھلواڑ کی ہرگز اجازت نہیں دینگے۔ انہوں نے کہاکہ حریت پسند کشمیری عوام بھارت کو اسکے مکروہ عزائم کو کامیاب نہیں ہونے دینگے اور اپنی جدوجہد آزادی کو ہرقیمت پر جاری رکھیں گے۔ انہوں نے کہا کہ بھارت نے جموںو کشمیر پر غاصبانہ قبضہ کررکھا ہے اور اپنے اس ناجائز قبضے کو برقرار رکھنے کیلئے لاکھوں کی تعداد میں بھارتی فوج کوتعینات کرکے جموں وکشمیر کو عملا دنیا کی سب سے بڑی جیل میں تبدیل کردیاہے۔ حریت رہنماء نے کہاکہ بھارت کو دراصل کشمیری عوام کی نہیں بلکہ کشمیر کی زمین میں دلچسپی ہے ۔ انہوں نے کہا کہ جب تک آخری کشمیری زندہ ہے وہ بھارت کی اس مکروہ خواہش کی تکمیل نہیں ہونگے دیں گے۔ انہوں نے عالمی برادری پر زور دیا کہ وہ جنوبی ایشیا میںپائیدار امن کے قیام کیلئے مسئلہ کشمیر کو اقوام متحدہ کی قرار دادوں اور کشمیری عوام کی خواہشات کے مطابق حل کرانے کیلئے اپنا اہم کردار اد اکرے ۔ انہوں نے مزید کہا کہ دیرینہ مسئلہ کشمیر کے حل میں سب سے بڑی رکاوٹ بھارت کی ہٹ دھرمی پر مبنی پالیسی ہے۔ حریت رہنمانے کہا کہ پاکستان روز اول سے ہی مسئلہ کشمیر کے پرامن حل کیلئے کوششیںجاری رکھے ہوئے ہے ۔
تازہ ترین
- بھارتی فوجیوں کے ہاتھوں کپواڑہ میں ایک کشمیری نوجوان شہید
- اپوزیشن جماعتوں نے تحقیقاتی اداروں کے غلط استعمال پرمودی حکومت کیخلاف سپریم کورٹ میں عرضداشت دائر کردی
- محمود ساغر کی طرف سے کشمیر بارے آرمی چیف جنرل عاصم منیر کے بیان کا خیرمقدم
- مقبوضہ کشمیرمیں انسانی حقوق کی پامالیوں میں شویشناک حد تک اضافہ ہو گیا ہے،رپورٹ
- اپوزیشن جماعتوں کو بی جے پی کا مقابلہ کرنے کیلئے متحد ہونا ہو گا، محبوبہ مفتی
- بھارتی پولیس نے امرت پال سنگھ کو پناہ دینے پر ہریانہ کی ایک خاتون کو گرفتار کرلیا
- بھارتی فوجیوں نے سوپور سے ایک کشمیری نوجوان گرفتار کر لیا
- مظفر آباد،میر پور:کشمیریوں نے یوم پاکستان بھرپور جوش و جذبے سے منایا
- جموں و کشمیر پاکستان کی شہ رگ ہے ، مشعال ملک
- کسی بھی ملک میں جمہوریت کیلئے آزادی صحافت ناگزیر ہے،چیف جسٹس آف انڈیا