مقبوضہ جموں و کشمیر
کولگام : نامعلوم مسلح افراد کی فائرنگ میں ایک پنچ قتل
سرینگر 02مارچ (کے ایم ایس)
غیر قانونی طور پر بھارت کے زیر قبضہ جموں و کشمیر میں نامعلوم مسلح افراد نے آج ضلع کولگام میں ایک پنچ کو گولی مار کر قتل کر دیا ۔
کشمیرمیڈیاسروس کے مطابق نامعلوم مسلح افراد نے پنچ محمد یعقوب ڈار کو آج شام ضلع میں کولپورہ کے علاقے سندو کولگام میں گولی مار کر قتل کیا۔ پنچ کو زخمی حالت میں ہسپتال منتقل کیا گیا تاہم ڈاکٹروں نے اسے مردہ قراردیا۔ ڈسٹرکٹ ہسپتال کولگام کے میڈیکل سپریٹنڈنٹ ڈاکٹر مظفر زرگر کے مطابق یعقوب ڈار کو سینے اور گردن پر گولیاں لگی تھی ۔
