جموں
مقبوضہ جموں وکشمیر: سڑک کے حادثے میں ایک ہی خاندان کے 4 افراد سمیت 5 افراد جاں بحق
جموں 06 مارچ (کے ایم ایس) غیر قانونی طور پربھارت کے زیر قبضہ جموں و کشمیر میں جموں خطے کے سانبہ۔ ادھم پور روڈپر مانسر کے قریب جمودا کے علاقے میں ایک گاڑی سڑک سے پھسل کر گہری کھائی میں جا گری جس کے نتیجے میں ایک ہی خاندان کے چار افراد سمیت پانچ افراد جاں بحق اور ایک زخمی ہو گیا۔
گاڑی بھارتی ریاست پنجاب کے شہر امرتسر سے سرینگر جا رہی تھی ۔پانچ افراد موقع پر ہی جاں بحق جبکہ ایک زخمی ہوگیا۔جاں بحق ہونے والوں کی میتیں ڈسٹرکٹ ہسپتال سانبہ منتقل کر دی گئی ہیں۔
