مقبوضہ جموں و کشمیر
سرینگر میں آتشزدگی کے ایک واقعے میں مسجد سمیت کئی عمارتیں خاکستر
سرینگر 19اپریل (کے ایم ایس) غیر قانونی طور پربھارت کے زیر قبضہ جموں و کشمیر میں آج سرینگر کے علاقے گوجوارہ میں آتشزدگی کے ایک واقعے میں ایک مسجد اور چند دیگر عمارتیں جل کر خاکستر ہوگئیں۔
کشمیرمیڈیا سروس کے مطابق آگ تقریباساڑھے تین بجے مسجد سے نمودارہوئی جس نے آناًفاناًقریبی عمارتوں کو اپنی لپیٹ میں لے لیا۔مقامی لوگوں کی جانب سے آگ پر قابو پانے کی کوششوں کے باوجود آگ کے شعلے پھیلتے رہے۔ آگ بجھانے اور ہنگامی حالات سے نمٹنے کے محکمے کے ایک عہدیدارنے بتایا کہ فائر ٹینڈر جائے وقوعہ پر پہنچ گئے ہیں۔ مزید تفصیلات کا انتظار ہے۔
