بھارت
بھارت میں کورونا وائرس کے کیسز میں معمولی اضافہ
نئی دہلی24اپریل(کے ایم ایس)بھارتی وزارت صحت کی طرف سے جاری کردہ تازہ ترین اعداد و شمار کے مطابق بھارت میں اتوار کو کورونا وائرس کے کیسز میں معمولی اضافہ دیکھا گیا اور گزشتہ 24 گھنٹے کے دوران کورونا کے 2,593نئے کیس سامنے آئے ہیں۔
یہ مسلسل پانچواں دن ہے جب بھارت میںکورونا کے 2,000سے زیادہ مثبت کیس ریکارڈ کیے گئے ہیں۔اتوار کے کیسز ملاکر ملک میں فعال کیسز کی تعداد اب 15,873ہے۔گزشتہ 24گھنٹے میں 44اموات کے ساتھ وباسے مرنے والوں کی مجموعی تعداد 522,193ہو گئی ہے۔
