مقبوضہ جموں و کشمیر
جموں : بارش کے باعث حادثات میں دو لڑکیاں ہلاک
جموں05مئی (کے ایم ایس)
غیر قانونی طور پر بھارت کے زیر قبضہ جموں و کشمیر کے ادھم پور اور ڈوڈہ کے اضلاع میں بارش کے باعث حادثات میں دو لڑکیاںہلاک ہو گئی ۔
کشمیرمیڈیاسروس کے مطابق ضلع ادھم پور کے علاقے منوال میں آسمانی بجلی گرنے سے ایک کمسن بچی جھلس گئی ،جسے ہسپتال منتقل کیاگیا تاہم وہ زخموں کی تاب نہ لاتے ہوئے چل بسی۔ایک اور واقعہ میں ڈوڈہ کے علاقے چھرالہ میں جنگل سے لکڑیاں لینے جانے والی ایک لڑکی تیز رفتار ہوائوں کی وجہ سے درخت گرنے سے ہلاک ہو گئی۔جموں خطہ میں کئی مکانات اور ڈوڈہ، کشتواڑ، ریاسی اور راجوری کے اضلاع میں کل شام آندھی کی وجہ سے درخت گرنے سے بجلی کی لائنوں کو نقصان پہنچا۔
ادھر ضلع ادھمپور کے علاقے پنچھیری میں زمین کے تنازعہ پر ایک شخص نے اپنے کزن پر فائرنگ کر دی جس سے ملزم کی بیوی سمیت تین افراد زخمی ہو گئے۔
