(کشمیر میڈیا سروس)
فوجیوں نے گزشتہ روز ضلع کے علاقے ترکہ وانگام میں ایک نوجوان دکاندارکو جس کی شناخت شعیب گنائی کے نام سے ہوئی ہے، شہید کیا۔جموں و کشمیر پیپلز لیگ، جموں و کشمیر مسلم لیگ اور جموں و کشمیر ڈیموکریٹک فریڈم پارٹی سمیت حریت رہنمائوں اور تنظیموں نے سرینگر میں اپنے بیانات میں کہا کہ بھارت مقبوضہ جموں و کشمیر میں روزانہ کی بنیاد پر نوجوانوں کو قتل اور معذور کر کے کشمیریوں کی سیاسی خواہشات کوجن کے لیے وہ گزشتہ 74سال سے جدوجہد کر رہے ہیں، دبانے میں ہرگز کامیاب نہیں ہو گا ۔انہوں نے عالمی برادری سے اپیل کی کہ وہ بھارتی فوج کے ہاتھوں کشمیریوں کی مسلسل نسل کشی کا نوٹس لے۔ محمود احمد ساگر، شیخ عبدالمتین، سید اعجاز رحمانی ِ، شمیم شال اورامتیاز وانی سمیت کل جماعتی حریت کانفرنس کی آزادکشمیر شاخ کے رہنمائوں نے کہا کہ بھارتی فورسز کے اہلکار کشمیریوں کو جان بوجھ کر قتل کر رہے ہیں۔ انہوں نے کہا کہ بھارت کی ریاستی دہشت گردی کشمیری عوام کو اپنے جائز نصب العین سے دستبردار ہونے پر مجبور نہیں کر سکتی اوروہ مکمل کامیابی تک اپنی جدوجہد جاری رکھیں گے۔انہوں نے اقوام متحدہ سے اپیل کی کہ وہ مقبوضہ علاقے میں جاری قتل وغارت کا سخت نوٹس لے اور تنازعہ کشمیر کو متعلقہ قراردادوں کے مطابق حل کرانے کے لیے اقدامات کرے۔
تازہ ترین
- مودی حکومت اپنی عدلیہ کے ذریعے یاسین ملک کو قتل کرنے کی سازش کر رہی ہے: جی اے گلزار
- چھتیس گڑھ حملے میں دو بی ایس ایف اہلکار زخمی
- عالمی برادری یاسین ملک کی زندگی کو درپیش خطرات کا فوری نوٹس لے : جموں و کشمیر لبریشن الائنس
- یاسین ملک کے کیس پر نظرثانی کرنے کی ضرورت ہے:محبوبہ مفتی
- بھارتی فوجیوں کی کشتواڑ میں بڑے پیمانے پر محاصرے اورتلاشی کی کارروائی، رہائشی ہراساں
- سرینگر سے غیر مقامی نوجوان کی لاش برآمد
- کل جماعتی حریت کانفرنس کی آزادکشمیر شاخ کے وفد کی امیرجماعت اسلامی سے ملاقات، خیریت دریافت کی
- لبریشن فرنٹ کی یاسین ملک کو سزائے موت دینے کے این آئی اے کے مطالبے کی شدید مذمت
- کپواڑہ: دارالعلوم کی عمارت آتشزدگی کے باعث خاکستر
- بھارت نے مقبوضہ کشمیر کو ایک بڑی جیل میں تبدیل کر دیا ہے