(کشمیر میڈیا سروس)
اسلام آباد 21 جولائی (کے ایم ایس)
پاکستان نے نئی دلی کی بدنام زمانہ تہاڑ جیل میں غیر قانونی طورپر نظربند کشمیری حریت رہنما محمد یاسین ملک کو دہائیوں پرانے فرضی مقدمات میں سیاسی انتقام کا نشانہ بنانے اور انہیں تادم مرگ بھوک ہڑتال کرنے پر مجبور کرنے پر بھارت کی شدید مذمت کی ہے۔
کشمیرمیڈیاسروس کے مطابق دفتر خارجہ کے ترجمان عاصم افتخار احمد نے ایک بیان میں عالمی برادری سے یاسین ملک کی غیرانسانی وغیرقانونی نظربندی کا نوٹس لینے کا مطالبہ کردیا۔انہوں نے کہاکہ یاسین ملک کو مزید دو فرضی مقدمات میں پھنسانے کے بھارتی اقدام کی شدید مذمت کرتے ہیںاور کشمیری حریت رہنما کو مقدمات میں کالے قوانین کے تحت سیاسی انتقام کا نشانہ بنایا جارہا ہے۔ان کا کہنا ہے کہ بھارت یاسین ملک کو جاری مقدمے میں ذاتی طور پر پیش ہونے کے حق سے بھی محروم رکھ رہا ہے۔ترجمان دفتر خارجہ نے کہا کہ بھارت نے پھر عدلیہ کو کشمیریوں کی حقیقی قیادت کو کھلے عام تعصب کا نشانہ بنا کر استعمال کیا، یاسین ملک نے کل سے بھوک ہڑتال پر جانے کا فیصلہ کیا ہے۔ترجمان کا یہ بھی کہنا تھا کہ اوچھے بھارتی ہتھکنڈوں سے کشمیریوں کی حق خود ارادیت کی جدوجہد کو نہیں دبایا جاسکتا ہے۔پاکستان نے مطالبہ کیا ہے کہ بھارت زیر حراست تمام سیاسی قیدیوں کورہا کرے اور مقبوضہ وادی کا وحشیانہ فوجی محاصرہ ختم کیا جائے۔
تازہ ترین
- دہلی یونیورسٹی نے بی اے کے نصاب سے علامہ اقبال کو نکال دیا
- عوامی مجلس عمل کا میر واعظ خاندان سے وابستہ کئی شخصیات کے انتقال پراظہار تعزیت
- وادی کشمیر میں زلزلے کے جھٹکے
- وزیر اعظم اور وزیر خارجہ یاسین ملک کی بحفاظت رہائی کے لیے آواز اٹھائیں: مشعال ملک
- کشمیریوں کو درپیش مشکلات کا خاتمہ انتہائی ناگزیر ہے: ڈاکٹر فائی
- مودی حکومت اپنی عدلیہ کے ذریعے یاسین ملک کو قتل کرنے کی سازش کر رہی ہے: جی اے گلزار
- چھتیس گڑھ حملے میں دو بی ایس ایف اہلکار زخمی
- عالمی برادری یاسین ملک کی زندگی کو درپیش خطرات کا فوری نوٹس لے : جموں و کشمیر لبریشن الائنس
- یاسین ملک کے کیس پر نظرثانی کرنے کی ضرورت ہے:محبوبہ مفتی
- بھارتی فوجیوں کی کشتواڑ میں بڑے پیمانے پر محاصرے اورتلاشی کی کارروائی، رہائشی ہراساں